اپنی مستی، کہ ترے قرب کی سرشاری میں - شاعر ثنااللہ ظہیر

اپنی مستی، کہ ترے قرب کی سرشاری میں - شاعر ثنااللہ ظہیر

مکمل شاعری Admin   2:23 AM

 اپنی مستی، کہ ترے قرب کی سرشاری میں

اپنی مستی، کہ ترے قرب کی سرشاری میں

اب میں کچھ اور بھی آسان ہوں دشواری میں

کتنی زرخیز ہے نفرت کے لیے دل کی زمیں

وقت لگتا ہی نہیں فصل کی تیاری میں

اک تعلق کو بکھرنے سے بچانے کے لیے

میرے دن رات گزرتے ہیں اداکاری میں

وہ کسی اور دوا سے مرا کرتا ہے علاج

مبتلا ہوں میں کسی اور ہی بیماری میں

اے زمانے میں ترے اشک بھی رو لوں گا ، مگر

ابھی مصروف ہوں خود اپنی عزاداری میں

اس کے کمرے سے اٹھا لایا ہوں یادیں اپنی

خود پڑا رہ گیا لیکن کسی الماری میں

اپنی تعمیر اٹھاتے تو کوئی بات بھی تھی

تم نے اک عمر گنوادی مری مسماری میں

ہم اگر اور نہ کچھ دیر ہوا دیں ، تو یہ آگ

سانس گھٹنے سے ہی مر جائے گی چنگاری میں

تم بھی دنیا کے نکالے ہوئے لگتے ہو ظہیر

میں بھی رہتا ہوں یہیں ، دل کی عملداری میں

شاعر ثنااللہ ظہیر

اب تو گھبرا کے یہ کہتے ہیں کہ مر جائیں گے - ابراہیم ذوق

اب تو گھبرا کے یہ کہتے ہیں کہ مر جائیں گے - ابراہیم ذوق

مکمل شاعری Admin   1:07 AM

 اب تو گھبرا کے یہ کہتے ہیں کہ مر جائیں گے - ابراہیم ذوق

اب تو گھبرا کے یہ کہتے ہیں کہ مر جائیں گے

مر کے بھی چین نہ پایا تو کدھر جائیں گے

سامنے چشم گہر بار کے کہہ دو دریا

چڑھ کے گر آئے تو نظروں سے اتر جائیں گے

لائے جو مست ہیں تربت پہ گلابی آنکھیں

اور اگر کچھ نہیں دو پھول تو دھر جائیں گے

بچیں گے رہ گزر یار تلک کیونکر ہم

پہلے جب تک نہ دو عالم سے گزر جائیں گے

آگ دوزخ کی بھی ہو جائے گی پانی پانی

جب یہ عاصی عرق شرم سے تر جائیں گے

ہم نہیں وہ جو کریں خون کا دعویٰ تجھ سے

بلکہ پوچھے گا خدا بھی تو مکر جائیں گے

رخِ روشن سے نقاب اپنے الٹ دیکھو تم

مہر و مہ نظروں سے یاروں کی اتر جائیں گے

شعلہ آہ کو بجلی کی طرح چمکاؤں

پر یہی ڈر ہے کہ وہ دیکھ کے ڈر جائیں گے

ذوق جو مدرسہ کے بگڑے ہوئے ہیں مُلا

ان کو مہ خانہ میں لے آؤ سنور جائیں گے

اردو شاعری - اپنی مستی، کہ ترے قرب کی سرشاری میں

اردو شاعری - اپنی مستی، کہ ترے قرب کی سرشاری میں

مکمل شاعری Admin   11:00 PM

 اپنی مستی، کہ ترے قرب کی سرشاری میں

اپنی مستی، کہ ترے قرب کی سرشاری میں

اب میں کچھ اور بھی آسان ہوں دشواری میں

کتنی زرخیز ہے نفرت کے لیے دل کی زمیں

وقت لگتا ہی نہیں فصل کی تیاری میں

اک تعلق کو بکھرنے سے بچانے کے لیے

میرے دن رات گزرتے ہیں اداکاری میں

وہ کسی اور دوا سے مرا کرتا ہے علاج

مبتلا ہوں میں کسی اور ہی بیماری میں

اے زمانے میں ترے اشک بھی رو لوں گا ، مگر

ابھی مصروف ہوں خود اپنی عزاداری میں

اس کے کمرے سے اٹھا لایا ہوں یادیں اپنی

خود پڑا رہ گیا لیکن کسی الماری میں

اپنی تعمیر اٹھاتے تو کوئی بات بھی تھی

تم نے اک عمر گنوادی مری مسماری میں

ہم اگر اور نہ کچھ دیر ہوا دیں ، تو یہ آگ

سانس گھٹنے سے ہی مر جائے گی چنگاری میں

تم بھی دنیا کے نکالے ہوئے لگتے ہو ظہیر

میں بھی رہتا ہوں یہیں ، دل کی عملداری میں

تشنگی آنکھوں میں اور دریا خیالوں میں رہے : احمد فراز

تشنگی آنکھوں میں اور دریا خیالوں میں رہے : احمد فراز

اداس شاعری Admin   2:30 AM

تشنگی آنکھوں میں اور دریا خیالوں میں رہے

ہم نوا گر، خوش رہے جیسے بھی حالوں میں رہے

دیکھنا اے رہ نوردِ شوق! کوئے یار تک

کچھ نہ کچھ رنگِ حنا پاؤں کے چھالوں میں رہے

ہم سے کیوں مانگے حسابِ جاں کوئی جب عمر بھر

کون ہیں، کیا ہیں، کہاں ہیں؟ ان سوالوں میں رہے

بدظنی ایسی کہ غیروں کی وفا بھی کھوٹ تھی

سوئے ظن ایسا کہ ہم اپنوں کی چالوں میں رہے

ایک دنیا کو میری دیوانگی خوش آ گئی

یار مکتب کی کتابوں کے حوالوں میں رہے

عشق میں دنیا گنوائی ہے نہ جاں دی ہے فراز

پھر بھی ہم اہلِ محبت کی مثالوں میں رہے

احمد فراز

اداسی اک اسیری ہے اداسی سے گھرا ہوں میں : شاعر عدنان حامد

اداسی اک اسیری ہے اداسی سے گھرا ہوں میں : شاعر عدنان حامد

مکمل شاعری Admin   12:50 AM

اداسی اک اسیری ہے اداسی سے گھرا ہوں میں 

اداسی ہی اداسی ہے اداسی سے گھرا ہوں میں 

اداسی اور اداسی اور اداسی اور اداسی بس 

اداسی مجھ پہ حاوی ہے اداسی سے گھرا ہوں میں 

یقیں تیرا تھا بس مجھ کو خدارا کیوں کروں میں اب 

تری ہستی خیالی ہے اداسی سے گھرا ہوں میں 

بھٹکتا در بہ در رہتا ہوں میں وحشت کے سائے میں 

مری مردہ جوانی ہے اداسی سے گھرا ہوں میں 

پرستش کر رہا ہوں آج کل میں بس اداسی کی 

اداسی جاودانی ہے اداسی سے گھرا ہوں میں 

ہلاک عشق ہوں یاروں مجھے مارا محبت نے 

مری غمگیں کہانی ہے اداسی سے گھرا ہوں میں 

تعلق ہے سیاست کا یہاں ہر بات سے حامدؔ 

اداسی بھی سیاسی ہے اداسی سے گھرا ہوں میں 

اردو عزل ۔ طویل تر ہے سفر مختصر نہیں ہوتا

اردو عزل ۔ طویل تر ہے سفر مختصر نہیں ہوتا

اداس شاعری Admin   12:47 AM

 طویل تر ہے سفر مختصر نہیں ہوتا 

محبتوں کا شجر بے ثمر نہیں ہوتا 

پھر اس کے بعد کئی لوگ مل کے بچھڑے ہیں 

کسی جدائی کا دل پر اثر نہیں ہوتا 

ہر ایک شخص کی اپنی ہی ایک منزل ہے 

کوئی کسی کا یہاں ہم سفر نہیں ہوتا 

تمام عمر گزر جاتی ہے کبھی پل میں 

کبھی تو ایک ہی لمحہ بسر نہیں ہوتا 

یہ اور بات ہے وہ اپنا حال دل نہ کہے 

کوئی بھی شخص یہاں بے خبر نہیں ہوتا 

عجیب لوگ ہیں یہ اہل عشق بھی اخترؔ 

کہ دل تو ہوتا ہے پر ان کا سر نہیں ہوتا 

جتنی اچھی باتیں ہیں

جتنی اچھی باتیں ہیں

مکمل شاعری Admin   12:36 AM

 جتنی اچھی باتیں ہیں 

ساری تیری باتیں ہیں 

جن میں تیرا ذکر نہیں 

وہ بھی کوئی باتیں ہیں 

جو چٹکی میں کہتے ہو 

سوچی سمجھی باتیں ہیں 

تیرا میرا کوئی نہیں 

تیری میری باتیں ہیں 

دیواروں کے ہونٹوں پر 

ٹوٹی پھوٹی باتیں ہیں 

جتنا پیارا چہرہ ہے 

اتنی پیاری باتیں ہیں 

نیا نیا تو دکھتا ہوں 

وہی پرانی باتیں ہیں 

اک انجانے نمبر پر 

خاموشی ہی باتیں ہیں 

شعروں سے تم دور رہو 

چکنی چپڑی باتیں ہیں 

جنہیں مکمل جانا تھا 

وہی ادھوری باتیں ہیں 

ان کے رنگ بھی ہوتے ہیں 

یہ جو نیلی باتیں ہیں 

الیاس بابر اعوان

وہ ہم سے آج بھی دامن کشاں چلے ہے میاں

وہ ہم سے آج بھی دامن کشاں چلے ہے میاں

مختصر شاعری Admin   3:01 AM

 وہ ہم سے آج بھی دامن کشاں چلے ہے میاں 

کسی پہ زور ہمارا کہاں چلے ہے میاں 

جہاں بھی تھک کے کوئی کارواں ٹھہرتا ہے 

وہیں سے ایک نیا کارواں چلے ہے میاں 

جو ایک سمت گماں ہے تو ایک سمت یقیں 

یہ زندگی تو یوں ہی درمیاں چلے ہے میاں 

بدلتے رہتے ہیں بس نام اور تو کیا ہے 

ہزاروں سال سے اک داستاں چلے ہے میاں 

ہر اک قدم ہے نئی آزمائشوں کا ہجوم 

تمام عمر کوئی امتحاں چلے ہے میاں 

وہیں پہ گھومتے رہنا تو کوئی بات نہیں 

زمیں چلے ہے تو آگے کہاں چلے ہے میاں 

وہ ایک لمحۂ حیرت کہ لفظ ساتھ نہ دیں 

نہیں چلے ہے نہ ایسے میں ہاں چلے ہے میاں 

جاں نثاراختر

اردو شاعری - آہٹ سی کوئی آئے تو لگتا ہے کہ تم ہو

اردو شاعری - آہٹ سی کوئی آئے تو لگتا ہے کہ تم ہو

عاشقی شاعری Admin   2:39 AM

 آہٹ سی کوئی آئے تو لگتا ہے کہ تم ہو 

سایہ کوئی لہرائے تو لگتا ہے کہ تم ہو 

جب شاخ کوئی ہاتھ لگاتے ہی چمن میں 

شرمائے لچک جائے تو لگتا ہے کہ تم ہو 

صندل سے مہکتی ہوئی پر کیف ہوا کا 

جھونکا کوئی ٹکرائے تو لگتا ہے کہ تم ہو 

اوڑھے ہوئے تاروں کی چمکتی ہوئی چادر 

ندی کوئی بل کھائے تو لگتا ہے کہ تم ہو 

جب رات گئے کوئی کرن میرے برابر 

چپ چاپ سی سو جائے تو لگتا ہے کہ تم ہو 

میں جو کانٹا ہوں تو چل مجھ سے بچا کر دامن...

میں جو کانٹا ہوں تو چل مجھ سے بچا کر دامن...

مختصر شاعری Admin   11:55 PM

 میں جو کانٹا ہوں تو چل مجھ سے بچا کر دامن...

میں ہوں گر پھول تو جُوڑے میں سجا لے مجھ کو...

- قتیل شفائی

جگر چھلنی سہی غم میں ہنسی ہونٹوں پہ اب بھی ہے

جگر چھلنی سہی غم میں ہنسی ہونٹوں پہ اب بھی ہے

مکمل شاعری Admin   1:56 AM

دل ناشادکے بجھتے ہوۓ ارمان کی مانند

سبھی سپنے ہوۓ جاتے ہیں قبرستان کی مانند

دیار دل کے موسم میں خزاں ہے اب مکیں ایسے

میں اپنے گھر میں بھی لگتا ہوں اک مہمان کی مانند

یہ جو ہجر مسلسل ہے مجھے جینے نہیں دیتا 

کسی بیمار کے بگڑے ہوۓ سرطان کی مانند

ہوئی مدت رہ دنیا پہ لاوارث پڑا ہوں میں 

مسافر کے کسی بھولے ہوۓ سامان کی مانند

مرا ہمدم بھی پاگل ہے ہمیشہ درد دیتا ہے

سمجھتا ہی نہیں میری دل نادان کی مانند

کبھی ملتے تھے ہم گنگا میں جمنا کی طرح لیکن

بچھڑ کر ہو گۓ ھیں ہجر کے عنوان کی مانند

جگر چھلنی سہی غم میں ہنسی ہونٹوں پہ اب بھی ہے

کڑی مشکل سے بچنے کے کسی امکان کی مانند

بڑا دم ہے تجھے کھو کر بھی زندہ ہوں اسد لیکن 

کسی حالات سے ہارے ہوۓ انسان کی مانند

یہاں جو ہے کہاں اُس کا نشاں باقی رہے گا

یہاں جو ہے کہاں اُس کا نشاں باقی رہے گا

بہترین غزلیں Press Release   11:51 AM

غزل

یہاں جو ہے کہاں اُس کا نشاں باقی رہے گا

مگر جو کچھ نہیں، وہ سب یہاں باقی رہے گا

سفر ہو گا سفر کی منزلیں معدوم ہوں گی

مکاں باقی نہ ہو گا لا مکاں باقی رہے گا

کبھی قریہ بہ قریہ اور کبھی عالم بہ عالم

غبارِ ہجرتِ بے خانماں باقی رہے گا

ہمارے ساتھ جب تک درد کی دھڑکن رہے گی

ترے پہلو میں ہونے کا گماں باقی رہے گا

بہت بے اعتباری سے گزر کر دل ملے ہیں

بہت دن تک تکلف درمیاں باقی رہے گا

رہے گا آسماں جب تک زمیں باقی رہے گی

زمیں قائم ہے جب تک آسماں باقی رہے گا

یہ دنیا حشر تک آباد رکھی جا سکے گی

یہاں ہم سا جو کوئی خوش بیاں باقی رہے گا

جنوں کو ایسی عمرِ جاوداں بخشی گئی ہے

قیامت تک گروہِ عاشقاں باقی رہے گا

تمدن کو بچا لینے کی مہلت اب کہاں ہے

سر گرداب کب تک بادباں باقی رہے گا

کنارہ تا کنارہ ہو کوئی یخ بستہ چادر

مگر تہہ میں کہیں آبِ رواں باقی رہے گا

ہمارا حوصلہ قائم ہے جب تک سائباں ہے

خدا جانے کہاں تک سائباں باقی رہے گا

تجھے معلوم ہے یا کچھ ہمیں اپنی خبر ہے

سو ہم مر جائیں گے تُو ہی یہاں باقی رہے گا

گلے لگ کر کوئی روئے، ندامت ہوتو ایسی ہو: مزید پڑھیں

گلے لگ کر کوئی روئے، ندامت ہوتو ایسی ہو: مزید پڑھیں

مختصر شاعری Press Release   10:07 PM

اثر دل پر کرے شکوہ شکایت ہوتو ایسی ہو

گلے لگ کر کوئی روئے، ندامت ہوتو ایسی ہو

یہی محسوس ہوجیسے کہ صدیاں گزاری ہیں

فقط اک پل کی فرقت میں اذیت ہوتو ایسی ہو

مجھے کانٹا چبھے اور اس کی آنکھوں سے لہو نکلے

تعلق ہوتو ایسا ہو محبت ہوتو ایسی ہو

کُھلا ہے جُھوٹ کا بازار، آؤ سچ بولیں

کُھلا ہے جُھوٹ کا بازار، آؤ سچ بولیں

مکمل شاعری Press Release   8:53 AM

کُھلا ہے جُھوٹ کا بازار، آؤ سچ بولیں

نہ ہو بلا سے خریدار، آؤ سچ بولیں

سکُوت چھایا ہے انسانیت کی قدروں پر

یہی ہے موقعِ اِظہار، آؤ سچ بولیں

ہمیں گواہ بنایا ہے وقت نے

بنامِ عظمتِ کِردار، آؤ سچ بولیں

سُنا ہے وقت کا حاکم بڑا ہی مُنصِف ہے

پُکار کر سرِ دربار، آؤ سچ بولیں

تمام شہر میں ایک بھی منصُور نہیں

کہیں گے کیا رَسَن و دار، آؤ سچ بولیں

جو وصف ہم میں نہیں کیوں کریں کسی میں تلاش

اگر ضمیر ہے بیدار، آؤ سچ بولیں

چُھپائے سے کہیں چُھپتے ہیں داغ چہروں کے

نظر ہے آئینۂ بردار، آؤ سچ بولیں

قتیلؔ جِن پہ سدا پتھروں کو پیار آیا

کِدھر گئے وہ گنہگار، آؤ سچ بولیں

مری زندگی پہ نہ مسکرا، میں اداس ہوں!

مری زندگی پہ نہ مسکرا، میں اداس ہوں!

مکمل شاعری Admin   10:41 PM

مری زندگی پہ نہ مسکرا، میں اداس ہوں!

مرے گمشدہ مرے پاس آ، میں اداس ہوں!

کسی وصل میں بھی بقائے سوزشِ ہجر ہے

غمِ عاشقی ذرا دور جا، میں اداس ہوں!

میں منڈیرِ درد پہ جل رہا ہوں چراغ سا

مری لو بڑھا مجھے مت بجھا، میں اداس ہوں!

مرے حافظے کا یہ حال وجہ ملال ہے

مرے چارہ گر مجھے یاد آ، میں اداس ہوں!

سبھی لوگ شہر میں آئینے کے کفیل ہیں

مجھے آ کے چہرہ مرا دِکھا ،میں اداس ہوں!

ترا مسکرانا زوال ہے مرے درد کا

یونہی بات بات پہ مسکرا ،میں اداس ہوں!

مرے لب تھے زین کسی دعا سے سجے ہوئے

مجھے لگ گئی کوئی بد دعا، میں اداس ہوں!

زین شکیل

سانس لینا بھی کیسی عادت ہے - جئیے جانا بھی

سانس لینا بھی کیسی عادت ہے - جئیے جانا بھی

اداس شاعری Admin   10:34 PM

سانس لینا بھی کیسی عادت ہے -  جئیے جانا بھی کیا روایت ہے

کوئی آہٹ نہیں بدن میں کہیں  -  کوئی سایہ نہیں ہے آنکھوں میں

پاؤں بےحِس ہیں، چلتے جاتے ہیں  -   اِک سفر ہے جو بہتا رہتا ہے

کتنے برسوں سے، کتنی صدیوں سے  - جئیے جاتے ہیں، جیے جاتے ہیں

                       عادتیں بھی عجیب ہوتی ہیں

ابھی سورج نہیں ڈوبا، ذرا شام ہونے دو

ابھی سورج نہیں ڈوبا، ذرا شام ہونے دو

بہترین غزلیں Admin   1:44 AM

ابھی سورج نہیں ڈوبا، ذرا شام ہونے دو 

میں خود لوٹ جائوں گا، مجھے ناکام ہونے دو

مجھے بدنام کرنے کے بہانے ڈھونڈتے ہو کیوں 

میں خود ہوجائوں گا بدنام، پہلے نام ہونے دو

ابھی مجھ کو نہیں کرنا ہے اعتراف شکست تم سے 

میں سب تسلیم کرلوں گا، یہ چرچا عام ہونے دو

میری ہستی نہیں انمول پھربھی بک نہیں سکتا 

وفائیں بیچ لینا، بس ذرا نیلام ہونے دو

میرے آغاز میں ہی کیوں حوصلہ چھوڑ بیٹھے ہو 

میں سب کچھ جیت جاءو گے، ذرا انجام ہونے دو

آنسوؤں کے ڈر سے ہنسنا نہ چھوڑ دینا

آنسوؤں کے ڈر سے ہنسنا نہ چھوڑ دینا

مکمل شاعری Admin   10:58 PM

نفرتوں کے ڈر سے محبت نہ چھوڑ دینا

آنسوؤں کے ڈر سے ہنسنا نہ چھوڑ دینا

چاھتوں کے راستوں میں ھوتی ہےہار بھی

کانٹوں کے ڈر سے تم چلنا نہ چھوڑ دینا

جینا مشکل تو ھے ان ظالموں کے شہر میں

مرنے کے ڈر سے تم جینا نہ چھوڑ دینا

ملنے سے پہلے بچھٹرنے کا خوف بھی ہوگا

بچھٹرنے کے ڈر سے تم ملنا نہ چھوڑ دینا

شاعر نامعلوم

دعائے رمضان : ہے مغفرت کا یہ عشرہ تُو مغفرت فرما

دعائے رمضان : ہے مغفرت کا یہ عشرہ تُو مغفرت فرما

دعائیہ کلمات Poetry/Quotes   11:42 PM

ہے مغفرت کا یہ عشرہ تُو مغفرت فرما 

میری تجھے ماہِ رمضاں کا واسطہ یا ربّ

میں کر کے توبہ پلٹ کر گناہ کرتا ہوں 

حقیقی توبہ کا کر دے شرف عطا یا ربّ

رہائی مجھ کو ملے کاش نفس و شیطاں سے 

تیرے حبیب ﷺ کا دیتا ہوں واسطہ یا ربّ

آمین 

یہ دولت بھی لے لو، یہ شہرت بھی لے لو.. مگر مجھ کو لوٹا دو بچپن کا ساون

یہ دولت بھی لے لو، یہ شہرت بھی لے لو.. مگر مجھ کو لوٹا دو بچپن کا ساون

بہترین غزلیں Admin   1:05 AM

یہ دولت بھی لے لو، یہ شہرت بھی لے لو

بھلے چھین لو مجھ سے میری جوانی

مگر مجھ کو لوٹا دو بچپن کا ساون

وہ کاغذ کی کشتی وہ بارش کا پانی

محلے کی سب سے پرانی نشانی

وہ بڑھیا جسے بچے کہتے تھے نانی

وہ نانی کی باتوں میں پریوں کا ڈھیرا

وہ چہرے کی جہریوں میں میں صدیوں کا پھیرا

بھلائے نہیں بھول سکتا ہے کوئی

وہ چھوٹی سی راتیں وہ لمبی کہانی

کھڑی دھوپ میں اپنے گھر سے نکلنا

وہ چڑیاں وہ بلبل وہ تتلی پکڑنا

وہ گھڑیا کی شادی میں لڑنا جھگڑنا

وہ جھولوں سے گرنا وہ گر کہ سنبھلنا

وہ پیتل کے چھلوں کے پیارے سے تحفے

وہ ٹوٹی ہوئی چوڑیوں کی نشانی

کبھی ریت کے اونچے ٹیلوں پہ جانا

گھروندے بنانا بنا کہ مٹانا

وہ معصوم چاہت کی تصویر اپنی

وہ خوابوں خیالوں کی جاگیر اپنی

نہ دنیا کا غم تھا نہ رشتوں کا بندھن

بڑی خوبصورت تھی وہ زندگانی