جھنجھلائے ہیں، لجائے ہیں پھر مسکرائے ہیں - شاعر خمار بارہ بنکوی

جھنجھلائے ہیں، لجائے ہیں پھر مسکرائے ہیں - شاعر خمار بارہ بنکوی

مکمل شاعری Admin   2:36 AM

جھنجھلائے ہیں، لجائے ہیں پھر مسکرائے ہیں

جھنجھلائے ہیں، لجائے ہیں پھر مسکرائے ہیں
کس اہتمام سے انہیں ہم یاد آئے ہیں

دیر و حرم کے حبس کدوں کے ستائے ہیں
ہم آج مے کدے کی ہوا کھانے آئے ہیں

اب جا کے آہ کرنے کے آداب آئے ہیں
دنیا سمجھ رہی ہے کہ ہم مسکرائے ہیں

گُزرے ہیں مے کدے سے جو توبہ کے بعد ہم
کچھ دُور عادتاً بھی قدم لڑکھڑائے ہیں

اے جوشِ گریہ دیکھ! نہ کرنا خجل مجھے
آنکھیں مری ضرور ہیں، آنسو پرائے ہیں

اے موت! اے بہشت سکوں! آ خوش آمدید
ہم زندگی میں پہلے پہل مسکرائے ہیں

جتنی بھی مے کدے میں ہے ساقی پلا دے آج
ہم تشنہ کام زُہد کے صحرا سے آئے ہیں

انسان جیتے جی کریں توبہ خطاؤں سے
مجبوریوں نے کتنے فرشتے بنائے ہیں

سمجھاتے قبلِ عشق تو ممکن تھا بنتی بات
ناصح غریب اب ہمیں سمجھانے آئے ہیں

کعبے میں خیریت تو ہے سب حضرتِ خمار
یہ دیر ہے جناب یہاں کیسے آئے ہیں

شاعر خمار بارہ بنکوی

بیتے دنوں کی یاد بھلائے نہیں بنے - شاعر خمار بارہ بنکوی

بیتے دنوں کی یاد بھلائے نہیں بنے - شاعر خمار بارہ بنکوی

مکمل شاعری Admin   2:33 AM

بیتے دنوں کی یاد بھلائے نہیں بنے

بیتے دنوں کی یاد بھلائے نہیں بنے
یہ آخری چراغ بجھائے نہ بنے

دنیا نے جب مرا نہیں بننے دیا انہیں
پتھر تو بن گئے وہ پرائے نہیں بنے

توبہ کیے زمانہ ہوا، لیکن آج تک
جب شام ہو تو کچھ بھی بنائے نہیں بنے

پردے ہزار خندہ پیہم کے ڈالیے
غم وہ گناہ ہے کہ چھپائے نہیں بنے

یہ نصف شب یہ میکدے کا در یہ محتسب
ٹوکے کوئی تو بات بنائے نہیں بنے

جاتے تو ہیں صنم کدے سے حضرتِ خمار
لیکن خدا کرے کہ بن آئے نہ بنے

شاعر خمار بارہ بنکوی

اپنی مستی، کہ ترے قرب کی سرشاری میں - شاعر ثنااللہ ظہیر

اپنی مستی، کہ ترے قرب کی سرشاری میں - شاعر ثنااللہ ظہیر

مکمل شاعری Admin   2:23 AM

 اپنی مستی، کہ ترے قرب کی سرشاری میں

اپنی مستی، کہ ترے قرب کی سرشاری میں

اب میں کچھ اور بھی آسان ہوں دشواری میں

کتنی زرخیز ہے نفرت کے لیے دل کی زمیں

وقت لگتا ہی نہیں فصل کی تیاری میں

اک تعلق کو بکھرنے سے بچانے کے لیے

میرے دن رات گزرتے ہیں اداکاری میں

وہ کسی اور دوا سے مرا کرتا ہے علاج

مبتلا ہوں میں کسی اور ہی بیماری میں

اے زمانے میں ترے اشک بھی رو لوں گا ، مگر

ابھی مصروف ہوں خود اپنی عزاداری میں

اس کے کمرے سے اٹھا لایا ہوں یادیں اپنی

خود پڑا رہ گیا لیکن کسی الماری میں

اپنی تعمیر اٹھاتے تو کوئی بات بھی تھی

تم نے اک عمر گنوادی مری مسماری میں

ہم اگر اور نہ کچھ دیر ہوا دیں ، تو یہ آگ

سانس گھٹنے سے ہی مر جائے گی چنگاری میں

تم بھی دنیا کے نکالے ہوئے لگتے ہو ظہیر

میں بھی رہتا ہوں یہیں ، دل کی عملداری میں

شاعر ثنااللہ ظہیر

اب تو گھبرا کے یہ کہتے ہیں کہ مر جائیں گے - ابراہیم ذوق

اب تو گھبرا کے یہ کہتے ہیں کہ مر جائیں گے - ابراہیم ذوق

مکمل شاعری Admin   1:07 AM

 اب تو گھبرا کے یہ کہتے ہیں کہ مر جائیں گے - ابراہیم ذوق

اب تو گھبرا کے یہ کہتے ہیں کہ مر جائیں گے

مر کے بھی چین نہ پایا تو کدھر جائیں گے

سامنے چشم گہر بار کے کہہ دو دریا

چڑھ کے گر آئے تو نظروں سے اتر جائیں گے

لائے جو مست ہیں تربت پہ گلابی آنکھیں

اور اگر کچھ نہیں دو پھول تو دھر جائیں گے

بچیں گے رہ گزر یار تلک کیونکر ہم

پہلے جب تک نہ دو عالم سے گزر جائیں گے

آگ دوزخ کی بھی ہو جائے گی پانی پانی

جب یہ عاصی عرق شرم سے تر جائیں گے

ہم نہیں وہ جو کریں خون کا دعویٰ تجھ سے

بلکہ پوچھے گا خدا بھی تو مکر جائیں گے

رخِ روشن سے نقاب اپنے الٹ دیکھو تم

مہر و مہ نظروں سے یاروں کی اتر جائیں گے

شعلہ آہ کو بجلی کی طرح چمکاؤں

پر یہی ڈر ہے کہ وہ دیکھ کے ڈر جائیں گے

ذوق جو مدرسہ کے بگڑے ہوئے ہیں مُلا

ان کو مہ خانہ میں لے آؤ سنور جائیں گے

اردو شاعری - اپنی مستی، کہ ترے قرب کی سرشاری میں

اردو شاعری - اپنی مستی، کہ ترے قرب کی سرشاری میں

مکمل شاعری Admin   11:00 PM

 اپنی مستی، کہ ترے قرب کی سرشاری میں

اپنی مستی، کہ ترے قرب کی سرشاری میں

اب میں کچھ اور بھی آسان ہوں دشواری میں

کتنی زرخیز ہے نفرت کے لیے دل کی زمیں

وقت لگتا ہی نہیں فصل کی تیاری میں

اک تعلق کو بکھرنے سے بچانے کے لیے

میرے دن رات گزرتے ہیں اداکاری میں

وہ کسی اور دوا سے مرا کرتا ہے علاج

مبتلا ہوں میں کسی اور ہی بیماری میں

اے زمانے میں ترے اشک بھی رو لوں گا ، مگر

ابھی مصروف ہوں خود اپنی عزاداری میں

اس کے کمرے سے اٹھا لایا ہوں یادیں اپنی

خود پڑا رہ گیا لیکن کسی الماری میں

اپنی تعمیر اٹھاتے تو کوئی بات بھی تھی

تم نے اک عمر گنوادی مری مسماری میں

ہم اگر اور نہ کچھ دیر ہوا دیں ، تو یہ آگ

سانس گھٹنے سے ہی مر جائے گی چنگاری میں

تم بھی دنیا کے نکالے ہوئے لگتے ہو ظہیر

میں بھی رہتا ہوں یہیں ، دل کی عملداری میں

اداسی اک اسیری ہے اداسی سے گھرا ہوں میں : شاعر عدنان حامد

اداسی اک اسیری ہے اداسی سے گھرا ہوں میں : شاعر عدنان حامد

مکمل شاعری Admin   12:50 AM

اداسی اک اسیری ہے اداسی سے گھرا ہوں میں 

اداسی ہی اداسی ہے اداسی سے گھرا ہوں میں 

اداسی اور اداسی اور اداسی اور اداسی بس 

اداسی مجھ پہ حاوی ہے اداسی سے گھرا ہوں میں 

یقیں تیرا تھا بس مجھ کو خدارا کیوں کروں میں اب 

تری ہستی خیالی ہے اداسی سے گھرا ہوں میں 

بھٹکتا در بہ در رہتا ہوں میں وحشت کے سائے میں 

مری مردہ جوانی ہے اداسی سے گھرا ہوں میں 

پرستش کر رہا ہوں آج کل میں بس اداسی کی 

اداسی جاودانی ہے اداسی سے گھرا ہوں میں 

ہلاک عشق ہوں یاروں مجھے مارا محبت نے 

مری غمگیں کہانی ہے اداسی سے گھرا ہوں میں 

تعلق ہے سیاست کا یہاں ہر بات سے حامدؔ 

اداسی بھی سیاسی ہے اداسی سے گھرا ہوں میں 

اگر یہ کہہ دو بغیر میرے نہیں گزارہ تو میں تمہارا

اگر یہ کہہ دو بغیر میرے نہیں گزارہ تو میں تمہارا

مکمل شاعری Admin   12:38 AM

 اگر یہ کہہ دو بغیر میرے نہیں گزارہ تو میں تمہارا 

یا اس پہ مبنی کوئی تأثر کوئی اشارا تو میں تمہارا 

غرور پرور انا کا مالک کچھ اس طرح کے ہیں نام میرے 

مگر قسم سے جو تم نے اک نام بھی پکارا تو میں تمہارا 

تم اپنی شرطوں پہ کھیل کھیلو میں جیسے چاہے لگاؤں بازی 

اگر میں جیتا تو تم ہو میرے اگر میں ہارا تو میں تمہارا 

تمہارا عاشق تمہارا مخلص تمہارا ساتھی تمہارا اپنا 

رہا نہ ان میں سے کوئی دنیا میں جب تمہارا تو میں تمہارا 

تمہارا ہونے کے فیصلے کو میں اپنی قسمت پہ چھوڑتا ہوں 

اگر مقدر کا کوئی ٹوٹا کبھی ستارا تو میں تمہارا 

یہ کس پہ تعویذ کر رہے ہو یہ کس کو پانے کے ہیں وظیفے 

تمام چھوڑو بس ایک کر لو جو استخارہ تو میں تمہارا 

عامر میر

جتنی اچھی باتیں ہیں

جتنی اچھی باتیں ہیں

مکمل شاعری Admin   12:36 AM

 جتنی اچھی باتیں ہیں 

ساری تیری باتیں ہیں 

جن میں تیرا ذکر نہیں 

وہ بھی کوئی باتیں ہیں 

جو چٹکی میں کہتے ہو 

سوچی سمجھی باتیں ہیں 

تیرا میرا کوئی نہیں 

تیری میری باتیں ہیں 

دیواروں کے ہونٹوں پر 

ٹوٹی پھوٹی باتیں ہیں 

جتنا پیارا چہرہ ہے 

اتنی پیاری باتیں ہیں 

نیا نیا تو دکھتا ہوں 

وہی پرانی باتیں ہیں 

اک انجانے نمبر پر 

خاموشی ہی باتیں ہیں 

شعروں سے تم دور رہو 

چکنی چپڑی باتیں ہیں 

جنہیں مکمل جانا تھا 

وہی ادھوری باتیں ہیں 

ان کے رنگ بھی ہوتے ہیں 

یہ جو نیلی باتیں ہیں 

الیاس بابر اعوان

ہم کون ہیں کیا ہیں بخدا یاد نہیں

ہم کون ہیں کیا ہیں بخدا یاد نہیں

مکمل شاعری Admin   9:06 PM

 ہم کون ہیں کیا ہیں بخدا یاد نہیں

اپنے اَسلاف کی کوئی بھی ادا یاد نہیں

ہاں اگر ہے یاد تو کافر کے ترانے ہیں بس

ہے نہیں یاد تو مسجد کی صدا یاد نہیں

بنت ِحوا کو نچاتے ہیں سر ِمحفل میں ہم

کتنے سنگ دِل ہیں کہ رَسم حَیا یاد نہیں

آج اپنی ذِلت کا سبب یہی ہے شاید

سب کچھ ہے یاد مگر، صرف الله یاد نہیں

'

'

'

✓شیئر کریں✓ ٹیگ کریں✓کومنٹ کریں

جگر چھلنی سہی غم میں ہنسی ہونٹوں پہ اب بھی ہے

جگر چھلنی سہی غم میں ہنسی ہونٹوں پہ اب بھی ہے

مکمل شاعری Admin   1:56 AM

دل ناشادکے بجھتے ہوۓ ارمان کی مانند

سبھی سپنے ہوۓ جاتے ہیں قبرستان کی مانند

دیار دل کے موسم میں خزاں ہے اب مکیں ایسے

میں اپنے گھر میں بھی لگتا ہوں اک مہمان کی مانند

یہ جو ہجر مسلسل ہے مجھے جینے نہیں دیتا 

کسی بیمار کے بگڑے ہوۓ سرطان کی مانند

ہوئی مدت رہ دنیا پہ لاوارث پڑا ہوں میں 

مسافر کے کسی بھولے ہوۓ سامان کی مانند

مرا ہمدم بھی پاگل ہے ہمیشہ درد دیتا ہے

سمجھتا ہی نہیں میری دل نادان کی مانند

کبھی ملتے تھے ہم گنگا میں جمنا کی طرح لیکن

بچھڑ کر ہو گۓ ھیں ہجر کے عنوان کی مانند

جگر چھلنی سہی غم میں ہنسی ہونٹوں پہ اب بھی ہے

کڑی مشکل سے بچنے کے کسی امکان کی مانند

بڑا دم ہے تجھے کھو کر بھی زندہ ہوں اسد لیکن 

کسی حالات سے ہارے ہوۓ انسان کی مانند

دل کی دل نے نہ کہی، یوں تو کئی بار ملے

دل کی دل نے نہ کہی، یوں تو کئی بار ملے

مکمل شاعری Press Release   3:31 AM

دل کی دل نے نہ کہی، یوں تو کئی بار ملے

ھم شناسا تھے مگر صورت ِ اغیار ملے

اس سے کہنا کہ نہ اب اور وہ اترا کے چلے

دوستو تم کو اگر یار طرحدار ملے

بے وفا ھم ھیں تو اے جان ِ وفا یونہی سہی

ڈهونڈھ لینا جو تمہیں کوئی وفادار ملے

ھم تو دل دے کے بهی دنیا میں اکیلے ھی رھے

جو ھوس کار تهے،سب ان کے طرفدار ملے

دل کی قیمت تو مُحبت کے سوا کچھ بھی نہ تھی

جو ملے صورت ِ زیبا کے خریدار ملے

ھم نے کانٹوں کو بھی سینے سے لگا رکها ھے

خار بهی ھم سے برنگ ِ گل وگلزار ملے

دُوریاں فاصلے ھو جاتے ھیں طے آخر کار

سر ِ گلزار چو بچھڑے تهے سر ِ دار...

مشیت کو ہوئی منظور جب تخلیق عورت کی: ضرور پڑھیں

مشیت کو ہوئی منظور جب تخلیق عورت کی: ضرور پڑھیں

مکمل شاعری Press Release   9:59 PM

مشیت کو ہوئی منظور جب تخلیق عورت کی

اشارہ پا کے یوں گویا ہوئی ہر چیز فطرت کی

زمین بولی ،الٰہی اس کو میری عاجزی دینا

فلک بولا اسے میرا مذاقِ سرکشی دینا

کہا سورج نے اس پر روشنی قربان کرتا ہوں

قمر کہنے لگا، میں چاندنی قربان کرتا ہوں

پکاری کہکشاں اس پر، میری بیداریاں صدقے

ثریا نے کہا، میرا بھی تاجِ زرفشاں صدقے

کہا شب نے کہ میں اس کو ستاروں سے جِلا دوں گی

شفق بولی کہ میں رنگیں قبا اس پر لٹا دوں گی

صبا کہنے لگی ، اس میں خرام ناز میرا ہو

کلی بولی چٹک کر، شعلہِ آواز میرا ہو

کہا قوس و قزاح نے چھین لو رنگینیاں میری

کہا خلدِ بریں نے، لُوٹ لو شیرینیاں میری

گھٹاؤں نے کہا، معصوم رقت چاہیے اس میں

ٹرپ کر بجلیاں بولیں، شرارت چاہیے اس میں

بہاروں نے ادب سے عرض کی ، رعنائیاں حاضر

وہیں صبحِ قیامت بول اٹھی ، انگڑائیاں حاضر

سحر بولی میری نور افشانی اسے دینا

کہا شبنم نے میری پاک دامانی اسے دینا

کہا چشموں نے ، بےتابی ہماری بخش دے اس کو

پہاڑوں نے کہا، کچھ استواری بخش دے اس کو

کہا صبح وطن نے ، روحِ عشرت پیش کرتی ہوں

پکاری شام ِ غربت، داغِ حسرت پیش کرتی ہوں

حیاداری صدف نے پیش کی ،گوہر نے تابانی

خلش کانٹوں نے، شوخی لالہ نے، نرگس نے حیرانی

مشیت کے لبوں پر اک تبسم ہو گیا پیدا

اسی ہلکے تبسم سے ، تکلم ہو گیا زیادہ

صدائے کن سے ظاہر ہو گیا، شاہکار فطرت کا

ہزاروں ڈھنگ سے ڈھالا گیا پیکر لطافت کا

خدا نے بزمِ فطرت میں یہ شکل نازنین رکھ دی

تو الفت نے وفورِ شوق مین اپنی جبین رکھ دی

جب اس تصویر کی رخ پر خوشی کی لہر سی دوڑی

عناصر کے جمودِ آہنی میں زندگی دوڑی

ہم آغوشی کو اُٹھیں ،نو بہاریں لالہ زاروں سے

صداۓ دل ربا آنے لگی فطرت کے تاروں سے

تمام دوست اجنبی ہیں، دوستوں کے درمیاں

تمام دوست اجنبی ہیں، دوستوں کے درمیاں

مکمل شاعری Press Release   10:48 AM

کدُورتوں کے درمیاں، عداوتوں کے درمیاں

تمام دوست اجنبی ہیں، دوستوں کے درمیاں

زمانہ میری داستاں پہ رو رہا ہے آج کیوں

یہی تو کل سُنی گئی تھی، قہقہوں کے درمیاں

ضمیرِ عصر میں کبھی، نوائے درد میں کبھی

سخن سرا تو میں بھی ہوں، عداوتوں کے درمیاں

شعورِ عصر ڈھونڈتا رہا ہے مُجھ کو، اور میں

مگن ہوں عہدِ رفتگاں كى عظمتوں کے درمياں

ابھی شکست کیا کہ رسمِ آخری اِک اور ہے

پکارتی ہے زندگی، ہزیمتوں کے درمیاں

ہزار بُردباریوں کے ساتھ، جِی رہے ہیں ہم

مُحال تھا یہ کارِ زیست، وحشتوں کے درمیاں

یہ سوچتے ہیں، کب تلک ضمیر کو بچائیں گے

اگر یوں ہی جِیا کریں، ضرورتوں کے درمیاں

پیرزادہ قاسم

دشتِ تنہائی میں، اے جانِ جہاں، لرزاں ہیں

دشتِ تنہائی میں، اے جانِ جہاں، لرزاں ہیں

مکمل شاعری Press Release   10:41 AM

دشتِ تنہائی میں، اے جانِ جہاں، لرزاں ہیں

تیری آواز کے سائے تیرے ہونٹوں کے سَراب

دشتِ تنہائی میں، دُوری کے خس و خاک تلے

کِھل رہے ہیں، تیرے پہلُو کے سمن اور گلاب

اُٹھ رہی ہے کہیں قُربت سے تیری سانس کی آنچ

اپنی خُوشبو میں سُلگتی ہوئی مدھم مدھم

دُور اُفق پار، چمکتی ہوئی قطرہ قطرہ

گِر رہی ہے تیری دلدار نظر کی شبنم

اس قدر پیار سے، اے جانِ جہاں، رکھا ہے

دل کے رُخسار پہ اس وقت تیری یاد نے ہات

یُوں گُماں ہوتا ہے، گرچہ ہے ابھی صبحِ فراق

ڈھل گیا ہِجر کا دن، آ بھی گئی وصل کی رات

فيض احمد فيضؔ

تیرے غم کو جاں کی تلاش تھی تیرے جاں نثار چلے گئے

تیرے غم کو جاں کی تلاش تھی تیرے جاں نثار چلے گئے

مکمل شاعری Press Release   10:39 AM

تیرے غم کو جاں کی تلاش تھی تیرے جاں نثار چلے گئے 

تیری رہ میں کرتے تھے سر طلب، سرِ رہگزار چلے گئے 

تیری کج ادائی سے ہار کے شبِ اِنتظار چلی گئی 

میرے ضبطِ حال سے رُوٹھ کر میرے غمگسار چلے گئے 

نہ سوالِ وصل، نہ عرضِ غم، نہ حکائتیں نہ شکائتیں 

تیرے عہد میں دلِ زار کے سبھی اِختیار چلے گئے 

نہ رہا جنونِ وفا، یہ رَسَن یہ دار کرو گے کیا 

جنہیں جرمِ عشق پہ ناز تھا وہ گناہگار چلے گئے 

یہ ہمیں تھے جن کے لباس پر سرِ رہ سیاہی لکھی گئی 

یہی داغ تھے جو سجا کے ہم سرِ بزمِ یار چلے گئے

فيض احمد فيضؔ

خوبصورت شاعری، اک سرور شوق میں کچھ گنگنائیں چوڑیاں

خوبصورت شاعری، اک سرور شوق میں کچھ گنگنائیں چوڑیاں

مکمل شاعری Press Release   9:07 AM

ﻟﮍﮐﯿﻮﮞ ﻧﮯ ﺟﺐ ﮐﻼﺋﯽ ﻣﯿﮟ ﺳﺠﺎﺋﯿﮟ ﭼﻮﮌﯾﺎﮞ

ﺍﮎ ﺳُﺮﻭﺭِ ﺷﻮﻕ ﻣﯿﮟ ﮐﭽﮫ ﮔُﻨﮕُﻨﺎﺋﯿﻦ ﭼﻮﮌﯾﺎﮞ

ﻣﻮﺳﻢِ ﺑﺮﺳﺎﺕ ﻣﯿﮟ ﭘﯿﮍﻭﮞ ﭘﮧ ﺟﮭﻮﻟﮯ ﺟﺐ ﭘﮍﮮ

ﺳﺎﺗﮫ ﻣﻞ ﮐﮯ ﻧﺎﺯﻧﯿﻨﻮﮞ ﮐﮯ ﻧﮩﺎﺋﯿﮟ ﭼﻮﮌﯾﺎﮞ

ﮨﺎﺗﮫ ﺍﭨﮭﺎ ﺁﺩﺍﺏ ﮐﻮ ﺟﺐ ﺭﻭﺑﺮﻭ ﻣﺤﺒﻮﺏ ﮐﮯ

ﭼﮭﻦ ﭼﮭﻨﺎﭼﮭﻦ، ﭼﮭﻦ ﭼﮭﻨﺎﭼﮭﻦ،ﭼﮭﻦ ﭼﮭﻨﺎﺋﯿﮟ ﭼﻮﮌﯾﺎﮞ

ﭼﻮﮌﯾﻮﮞ ﺳﮯ ﻟﮍﮐﯿﻮﮞ ﮐﮯ ﺩﻝ ﮐﺎ ﺭﺷﺘﮧ ﮬﮯ ﮐﻮﺋﯽ

ﮐﯽ ﺳﺠﻦ ﺳﮯ ﺟﺐ ﺑﮭﯽ ﻓﺮﻣﺎﺋﺶ ﻣﻨﮕﺎﺋﯿﮟ ﭼﻮﮌﯾﺎﮞ

ﺟﺐ ﮐﺒﮭﯽ ﺳّﭽﯽ ﺭﻓﺎﻗﺖ ﺗﻢ ﮐﻮ ﻣﻞ ﺟﺎﺋﮯ ﮐﮩﯿﮟ

ﺗﻮ ﺳﻤﺠﮫ ﻟﯿﻨﺎ ﮐﮧ ﺗﻢ ﮐﻮ ﺭﺍﺱ ﺁﺋﯿﮟ ﭼﻮﮌﯾﺎﮞ

ﮬﮯ ﺩﻋﺎﻣﯿﺮﯼ ﮐﻼﺋﯽ ﻣﯿﮟ ﺳﺠﻦ ﮐﮯ ﻧﺎﻡ ﮐﯽ

ﻣﺮﺗﮯ ﻣﺮﺗﮯ ﺟﮕﻤﮕﺎﺋﯿﮟ ﺍﻟﻠﮧ ﺳﺎﺋﯿﮟ ﭼﻮﮌﯾﺎﮞ

‏( ﻣﻮﻧﺎ ﺷﮩﺎﺏ ‏)

ہم نے سُنا تھا صحنِ چمن میں کیف کے بادل چھائے ہیں

ہم نے سُنا تھا صحنِ چمن میں کیف کے بادل چھائے ہیں

مکمل شاعری Press Release   9:05 AM

ہم نے سُنا تھا صحنِ چمن میں کیف کے بادل چھائے ہیں

ہم بھی گئے تھے جی بہلانے، اشک بہا کر آئے ہیں

پُھول کھِلے تو دل مُرجھائے، شمع جلے تو جان جلے

ایک تمہارا غم اپنا کر، کتنے غم اپنائے ہیں

ایک سُلگتی یاد، چمکتا درد، فروزاں تنہائی

پوچھو نہ اس کے شہر سے ہم کیا کیا سوغاتیں لائے ہیں

سوئے ہوئے جو درد تھے دل میں*، آنسو بن کر بہہ نکلے

رات ستاروں کی چھاؤں میں یاد وہ کیا کیا آئے ہیں

آج بھی سُورج ڈُوب گیا، بے نُور اُفق کے ساگر میں

آج بھی پُھول چمن میں تُجھ کو بِن دیکھے مُرجھائے ہیں

ایک قیامت کا سنّاٹا، ایک بلا کی تاریکی

ان گلیوں سے دُور، نہ ہنستا چاند، نہ روشن سائے ہیں

پیار کی بولی بول نہ جالبؔ! اس بستی کے لوگوں سے

ہم نے سُکھ کی کلیاں کھو کر، دُکھ کے کانٹے پائے ہیں

حبیب جالبؔ

دل کی بات لبوں پر لا کر، اب تک ہم دُکھ سہتے ہیں

دل کی بات لبوں پر لا کر، اب تک ہم دُکھ سہتے ہیں

مکمل شاعری Press Release   9:03 AM

دل کی بات لبوں پر لا کر، اب تک ہم دُکھ سہتے ہیں

ہم نے سُنا تھا اس بستی میں، دل والے بھی رہتے ہیں

بِیت گیا ساون کا مہینہ، موسم نے نظریں بدلیں

لیکن ان پیاسی آنکھوں سے اب تک آنسو بہتے ہیں

ایک ہمیں آوارہ کہنا، کوئی بڑا الزام نہیں

دُنیا والے دل والوں کو اور بہت کچھ کہتے ہیں

جن کی خاطر شہر بھی چھوڑا، جن کے لیے بدنام ہوئے

آج وہی ہم سے بیگانے بیگانے سے رہتے ہیں

وہ جو ابھی اس راہگزر سے چاک گریباں گزرا تھا

اس آوارہ دیوانے کو جالبؔ جالبؔ کہتے ہیں

حبیب جالبؔ

برف جیسے لمحوں کو دی ہے مات پِھر میں نے

برف جیسے لمحوں کو دی ہے مات پِھر میں نے

مکمل شاعری Press Release   8:58 AM

برف جیسے لمحوں کو دی ہے مات پِھر میں نے

دِل میں درد سُلگایا، آج رات پِھر میں نے

صُبح کے درِیچے میں جھانک اے شبِ ہِجراں

کر دِیا تُجھے ثابت، بے ثبات پِھر میں نے

کیا کِسی نے دستک دی، پِھر کسی ستارے پر

رقص کرتے دیکھی ہے کائنات پِھر میں نے

اُٹھ کھڑا نہ ہو یارو! پھر نیا کوئی فِتنہ

چھیڑ دی ہے محفل میں اُس کی بات پِھر میں نے

شاید اِس طرح دُنیا میری رہ پہ چل نکلے

قریہ قریہ بانٹی ہے اپنی ذات پِھر میں نے

بھر گیا قتیلؔ اکثر جو ستارے آنکھوں میں

چاند رات کاٹی ہے اُس کے ساتھ پِھر میں نے

قتیلؔ شفائی

کُھلا ہے جُھوٹ کا بازار، آؤ سچ بولیں

کُھلا ہے جُھوٹ کا بازار، آؤ سچ بولیں

مکمل شاعری Press Release   8:53 AM

کُھلا ہے جُھوٹ کا بازار، آؤ سچ بولیں

نہ ہو بلا سے خریدار، آؤ سچ بولیں

سکُوت چھایا ہے انسانیت کی قدروں پر

یہی ہے موقعِ اِظہار، آؤ سچ بولیں

ہمیں گواہ بنایا ہے وقت نے

بنامِ عظمتِ کِردار، آؤ سچ بولیں

سُنا ہے وقت کا حاکم بڑا ہی مُنصِف ہے

پُکار کر سرِ دربار، آؤ سچ بولیں

تمام شہر میں ایک بھی منصُور نہیں

کہیں گے کیا رَسَن و دار، آؤ سچ بولیں

جو وصف ہم میں نہیں کیوں کریں کسی میں تلاش

اگر ضمیر ہے بیدار، آؤ سچ بولیں

چُھپائے سے کہیں چُھپتے ہیں داغ چہروں کے

نظر ہے آئینۂ بردار، آؤ سچ بولیں

قتیلؔ جِن پہ سدا پتھروں کو پیار آیا

کِدھر گئے وہ گنہگار، آؤ سچ بولیں